“ အဝေးက...ချစ်သူသို့ ”

ချစ်သူ......
ကံကြမ္မာသာ ငါနဲ့မင်းရဲ့ကြားမှာ
ထာဝရ ရပ်တည်ပေးခဲ့မယ်ဆိုရင်
ဝေးကွာခြင်းတွေလည်း အခုလို
ဖြတ်သန်းစီးဆင်းလာနိုင်မှာမဟုတ်ပါဘူး....


မင်းကိုချစ်ခဲ့မိတာ ငါ့အမှားဆိုရင်
အမှန်ကိုမမြင်နိုင်ပဲ မင်းထံမှာ
ငြိတွယ်နေတဲ့ ငါ့နှလုံးသားကိုပဲ
အပြစ်ပေးရလိမ့်မယ်.......


ဝေးကွာခြင်းနေ့ရက်တွေကို
“န၀ဒေး”တံတားပေါ်မှာ ရေတွက်ရင်း
အနာဂတ်မဲ့တဲ့ လမ်းမထက်မှာ
မင်းပုံရိပ်ကလေးတွေကို
စိတ်ကူးနဲ့ရှာဖွေမိခဲ့တယ်........


ငါနဲ့မင်းချစ်ခဲ့ကြတာ
အိပ်မက်တစ်ခုသာဖြစ်ခဲ့မယ်ဆိုရင်
အိပ်မက်တွေပြန်အသက်သွင်းခွင့်ရဖို့
မင်းပြန်လာမဲ့နေ့လေးကို ငါ..မျှော်လင့်နေတယ်........။

“ အချစ်ရဲ့ အောင်ပွဲ ”

ကြယ်တွေစုံတဲ့
လပြည့်ညလေးမှာ
ပြတင်းပေါက်လေးဖွင့်ပြီး
ကောင်းကင်ကိုကြည့်မိတော့
သူ့မျက်နှာကို မြင်တယ်......။

မဖြစ်နိုင်ပါဘူးလို့
မျက်ဝန်းကိုမှိတ်ပြီး
ခေါင်းယမ်းလိုက်တော့
သူ့အပြုံးကိုတွေ့တယ်......။

လေညင်းကလေး
နဘေးကဖြတ်သွားလို့
ယောင်မှားပြီး နားကိုပိတ်လိုက်တော့
သူ့အသံချိုချိုလေးကိုကြားတယ်........။

ငါရဲ့........
စွဲလန်းမှုတွေကို
မနာလိုဘူးနဲ့တူတယ်
ကြယ်ကလေးတွေက
မျက်စောင်းထိုးပြီး
“ရူးနေတာလား”လို့ မေးတယ်....။

လမင်းလေးကတော့
ဘာအကူအညီပေးရမလဲတဲ့
သူ့လိပ်စာကိုတောင်းတယ်...။

ငါ....
လုံးဝအထင်မကြီးတဲ့
အချစ်ကတော့
စာနာမှုကင်းမဲ့စွာ
မှော်အတတ်နဲ့လှောင်လို့နေတယ်....။