`` အမေ ´´
သူများတွေလို
အမေ ...ပညာမတတ်ခဲ့ပေမဲ့…
ကျွန်တော်တို့ကို ပညာတတ်အောင်
သင်ပေးခဲ့တယ်။
သူများတွေလို
အမေ...မချမ်းသာခဲ့ပေမဲ့…
ကျွန်တော်တို့ကို မျက်နှာမငယ်အောင်
ထားပေးခဲ့တယ်။
သူများတွေလို
အမေ့မှာ... အဝတ်အစားမများပြားခဲ့ပေမဲ့...
ကျွန်တော်တို့ကို အမေ လှအောင်
ဆင်ပေးခဲ့တယ်။
သူများတွေလို
အမေ... သတ္တိမကောင်းခဲ့ပေမဲ့...
ကျွန်တော်တို့ရှေ့  မှာ
အမေ အမြဲတမ်း နေပေးခဲ့တယ်။
သူများတွေလို
မယုယတတ်ခဲ့ပေမဲ့...
ကျွန်တော်တို့ကို အမေထွေးပွေ့ထားခဲ့တယ်။
သူများတွေလို
စကားပြောမကောင်းခဲ့ပေမဲ့...
အမေ့ရဲ့ ပုံပြင်လေးတွေထဲမှာ
အိပ်စက်ခွင့်တွေရခဲ့တယ်။
သူများတွေလိုအမေ...
သီချင်းမဆိုတတ်ခဲ့ပေမဲ့...
မိတ္ထိလာကန်တော်အောက်က
ဖားကလေးတွေကောက်ပေးခဲ့တယ်။
မိဘရဲ့  မေတ္တာဘာလဲဆိုတာ...
အမေ မသိ။
ပေးဆပ်ခြင်းရဲ့  အဓိပ္ပါယ်...
အမေ နားမလည်ပါ။
အမေ့မှာ ပညာဗလာ ၊ ဥစ္စာနတ္ထိ
ဘာတစ်ခုမှာလည်း မရှိခဲ့ပါဘူး။
အမေဆိုတာ တစ်ခုတည်းနဲ့
အားလုံးကို ပြီးပြည့်စုံစေခဲ့တာပါ။
( အမေများနေ့အား ဤကဗျာဖြင့် ဂုဏ်ပြုပါ၏ )
ဝင်းနိုင်၊ ပြည်။
No comments:
Post a Comment