`` အမေသို့ - ´´

အမေ..
ဖေဖော်ဝါရီ ၁၀ ရက်နေ့က
ကျွန်တော့်မွေးနေ့ တိတ်တိတ်လေး သတိရတယ် ... ။

အမေ ...
ကျွန်တော့်အတွက်တော့
အမေ့ဆီက လက်ဖြန့်တောင်းရသလောက်
ဘယ်ဟာမှ မလွယ်ပါဘူး ... ။

အမေ..
အဖေပေးခဲ့တဲ့အမွေက
မာကျောပေမယ့် သမ္မာအာဇီဝ ကျပါတယ် ... ။

အမေ..
အသက်ကြီးမှ ဘ၀စရတာ တွေးမိတိုင်း
လျော့တွဲကျနေတဲ့ အမေ့ နားထင်ကြောတွေနဲ့
ဖြူဖွေးကုန်ပြီဖြစ်တဲ့ အဖေ့ဆံပင်တွေကို
ဝမ်းနည်းတယ် ... ။

အမေ..
အိပ်ယာဝင်တိုင်း မကန်တော့ဖြစ်ပေမယ့်
ကန်တော့တဲ့အခါတိုင်း
ဦးတိုက်ခဲ့ပါတယ် ... ။

အမေ..
ကျွန်တော့်အကြွေးတွေ မဆပ်နိုင်သေးတဲ့ဘ၀မှာ
အမေတို့အကြွေးတွေ နောက်ကျခဲ့တာ
ခွင့်လွှတ်ပေးပါ ... ။

အမေ..
တဖြည်းဖြည်းဝေးခဲ့ရတဲ့
မိသားစုထမင်းဝိုင်းဟာ
အခုထိ အေးစက်နေတုန်းလား ... အမေ။

( မိသားစုနဲ့ခွဲခွါနေရတဲ့ သူငယ်ချင်းများအတွက် )
ဝင်းနိုင်၊ ပြည်။