အချစ်ကျွန်အတွက် လွမ်းခွင့်
ချစ်သူရယ် .....
သုံးနှစ်သုံးမိုးဆိုတဲ့ ကာလတွေအောက်မှာ
ငါ့အချစ်တွေ စတေးပစ်ရတော့မှာလား
တစ်ချိန်တုန်းက
ကမ္ဘာပျက်သုဉ်း မမုန်းဘူးလို့
ပြောခဲ့ပေမယ့်
ခုတော့ကွာ လေးလ ဆိုတဲ့ ကွာဝေးခြင်းတစ်ခုက
သစ္စာဆိုတဲ့ တံတိုင်းတွေ အပိုင်းပိုင်းဖျက်
အထပ်ထပ်ရစ်ပတ်ထားတဲ့
သံယောဇဉ်နှောင်ကြိုးတွေ ဖြေလျော့
မေ့လိုက်တော့တဲ့လား ချစ်သူရယ် .....
ပြန်ဆုံခွင့်ကို စောင့်စားရင်း
ရုတ်တရက် ကြုံလိုက်ရတာက
“ နှုတ်ဆက်လမ်းခွဲမှု ”
ချစ်သူမကြားနိုင်တော့တဲ့
ရှိုက်သံတစ်ချက်နှင့်
အယူခံလည်း မ၀င်တော့ပါဘူးလေ
နေပါစေ
အချစ်ခံရတဲ့သခင် မဖြစ်တော့ရင်လည်း
ကိုယ်က ချစ်နေခွင့် “ ကျွန် ” အဖြစ်နဲ့
အထီးကျန်ဘ၀တွေကို လျှောက်လှမ်းဖို့
ချစ်သူရယ် .....
ငါ့ကို
လွမ်းခွင့်လေးတော့ ပေးခဲ့ပါ ..... ။
No comments:
Post a Comment